Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст ↓↓↓
Македонскиот фудбалски репрезентативец, Бојан Миовски, ја облече официјално опремата на Глазгов Ренџерс, откако денеска беше преставен како нов член на шкотскиот клуб. После само неколку часа од официјалното претставување, напаѓачот ги започна првите тренинзи со новите соиграчи на тренинг-центарот.
Со голема желба и мотивација, Миовски пристигна во Шкотска, каде што беше пречекан со големи очекувања од тимот и навивачите. Од него се очекува значително засилување на напаѓачкиот дел и да ја подобри ефикасноста и острината во играта на тимот.
„Ренџерс“ влегува во новата сезона со јасна цел – освојување на домашните титули и успешен настап на меѓународен план. Македонецот ќе игра клучна улога во тие амбиции. Од него се очекуваат неговите голови и креативност да бидат едни од најсилните карти на „сините“ од Глазгов.
„Возбуден сум што доаѓам во Ренџерс. Кога дознав за нивниот интерес, знаев дека ова е местото во кое сакам да играм. Ова е вистинското место за мене. Едвај чекам да заиграм пред навивачите“, кажа Миовски.
Фото: Facebook/Rangers FC
