Фудбалерите на Барселона го освоија шпанскиот Куп на кралот по неверојатно возбудливото финале против Реал Мадрид во Севиља.
“Атомски” фудбал беше одигран до 1 часот изутринава на стадионот “Ла Картуха”, се видоа две големи пресврти, Барселона и по третпат оваа сезона го совлада најголемиот ривал, а за она што на овој натпревар го направи Жил Кунде, не само поради голот за триумфот, долго ќе се зборува и пишува.
Францускиот репрезентативец против Реал постигна 61 точен пас од вкупно 66, имаше седум пресечени топки, шест спасувања во својот казнени простор, три блокирани удари, а за 120 минути претрча 16 километри. На сето тоа, со својот гол го одлучи финалето и совршено го следеше Винисиус Жуниор, кој одигра партија далеку под својот нив.
