Тренерот на Фенербахче, Жозе Мурињо доби суспензија од еден меч од Турскиот фудбалски сојуз затоа што го коментираше судењето на дуелот против Трабзонспор.
Фенербахче славеше со 3-2 против Трабзонспор, но Мурињо не беше задоволен со судиските одлуки и кажа дека неговиот тим бил оштетен на чист пенал.
Мурињо го критикуваше фудбалското првенство во Турција и кажа дека судиите носат одлуки во корист на Галатасарај.
Поради овие коментари Португалецот ќе мора да „одмори“ против Сиваспор во следното коло.
