Најбараниот напаѓач во Европа донел одлука за неговиот следен клуб!?

Шведскиот голгетер Виктор Ѓокереш се етаблира како еден од најбараните фудбалери на европскиот трансфер-пазар во моментов. Со неверојатната форма што ја прикажува во дресот на португалскиот Спортинг, интересот за неговите услуги значително порасна, а според најновите информации, Ѓокереш донел одлука – кариерата ќе ја продолжи во редовите на Арсенал.

„Импресионирани сме од сериозноста и визијата на Арсенал. Разговорите беа исклучително позитивни, а желбата на клубот да го донесе Виктор е очигледна“, пренесуваат англиските спортски медиуми изјави блиски до луѓето вклучени во преговорите.

Во сезоната што е во тек, Ѓокереш блескаше во португалскиот шампионат – на 43 одиграни натпревари има постигнато фантастични 43 голови и забележал 11 асистенции, што дополнително го зголеми неговиот профил меѓу елитните клубови.