Надал ја „отвори душата“ и откри за што најмногу жали откако ја заврши кариерата

Шпанскиот тенисер Рафаел Надал неодамна ја заврши кариерата, а сега откри за што најмногу жали.

Надал истакна дека единствено жали што никогаш не победил на Завршниот мастерс.

– Секако дека би сакал да победам на еден Завршен мастерс. Тоа е веројатно единствениот важен турнир што никогаш не сум го освоил. Такво е како што е – вели Надал.

Додаде и дека немал среќа на тие турнири.

– Понекогаш немав ни среќа, бидејќи на крајот од сезоната често не бев во најдобра физичка состојба, многу пати со повреди – рече Надал. На крајот истакна дека му сметало тоа што често се менуваше подлогата на тие натпревари.