Пред дербито, падна најважниот потпис во Манчестер Сити! ↓↓↓
Шпанскиот тенисер Рафаел Надал зборуваше за тоа дека никогаш не го освоил Мастерсот во Париз. Вториот тенисер во светот беше поразен од Александер Зверев во полуфиналето на турнирот со 4-6 и 5-7.
Во кариерата само еднаш играше во финалето, а тоа беше во далечната 2007 година, кога Надал загуби од Давид Налбандијан со 4-6 и 0-6.
„Нема никакво проклетство. Турнирот е тежок поради условите во кои се игра. Нормално е тоа што не освоив ниту еден турнир од серијата 1.000. На Мастерсите учествуваат најдобрите тенисери во светот. Како што реков претходно, оваа подлога е тешка“, вели Надал.
Надал повтори дека ова била добра недела за него, а сега го очекува Завршниот Мастерс, кој исто така не го освоил никогаш.
„Ова беше добра недела за мене. Играв четири меча и тоа ќе ми значи за Завршниот Мастерс. Ќе мора да прилагодам неколку работи и се надевам дека ќе бидам максимално подготвен за турнирот во Лондон“, кажа Шпанецот.
