До кога ќе дишеме отровен воздух!? | Уште еден поткаст ↓↓↓
Навивачите на Манчестер Јунајтед издвоија еден играч и покрај тоа што нивниот тим синоќа победи со 1:0 против Евертон.
Карик синоќа ја водеше својата екипа до петта победа во шест натпревари откако во јануари го наследи Рубен Аморим на позицијата тренер на Манчестер Јунајтед.
Победата и трите бода обезбедија враќање на Манчестер Јунајтед на четвртото место на табелата, над тимот на Челзи.
По слабото прво полувреме во кое немаше многу шанси на двете страни, Карик реши да го извади Амад, и го замени со Шешко.
Промената се покажа како мајсторска бидејќи токму Словенецот го постигна голот за три бода на Манчестер Јунајтед.
Иако Евертон ја „бомбардираше” одбраната на Јунајтед со многу корнери кон крајот на натпреварот, Магваер и Јоро останаа цврсти.
Покрај тоа, Сен Ламенс имаше неколку одлични одбрани и го зачува водството на Манчестер Јунајтед.
Навивачите го напуштија стадионот во славење, но на социјалните мрежи многу брзо решија да ја критикуваат играта на еден фудбалер.
Амад беше тој кој претрпе најмногу негативни коментари откако одигра лош натпревар.
„Амад веднаш треба да биде ставен на клупа. Неговата игра е ужасна.”
