Шанса да станеш YouTuber! Приклучи се! ↓↓↓
Аргентинецот Пауло Дибала конечно е негативен за вирусот Ковид 19.
Ѕвездата на Јувентус со недели се бори против оваа болест. Дибала е специфичен пример затоа што тој беше тестиран позитивен на Ковид 19 од крајот на март, но за среќа последните неколку тестови беа негативни и Аргентинецот веќе не мора да биде во изолација.
Тој реши да ја прослави оваа фантастична вест со фотографија што ја сподели со корисниците на Инстаграм. Никогаш не изгледаше дека сме го виделе посреќен. „Моето лице го кажува сето тоа, конечно сум излечен од коронавирусот“, напиша Аргентинецот покрај фотографијата.
Инаку, му беше дадено зелено светло да се врати на тренинзите токму во недела кога Јуве треба да се врати во тренинг центарот и да започне со индивидуални тренинзи. Италијанската влада дозволи групни тренинзи за спортисти од 18. мај. Серија А се очекува да започне две или три недели подоцна.
Покрај Дибала во редовите на Јувентус позитивни на Ковид 19 беа Даниеле Ругани и Блез Матуиди. Двајцата се опоравија за многу пократко време.
Старата дама е лидер во пласманот со бод повеќе од Лацио, и сигурно ќе имаме интересна битка за Скудето откако ќе продолжи шампионатот.
