На Нејмар му се здосади во ПСЖ, па сега сака да игра во Англија?

Англиските медиуми пишуваат дека Нејмар наскоро би можел да се пресели во Премиерлигата од каде што интерес покажува Манчестер јунајтед.

Нејмар има желба да настапи во Англија, а „Ел Национал“ смета дека Бразилецот нема да има проблеми да си најде тим, зашто освен Јунајтед, има и други заинтересирани тимови.

Во Манчестер јунајтед минатото лето беа купени неколку големи засилувања, а најголемо беше Кристијано Роналдо, но ниту тоа не помогна за подобри резултати.

Тимот сега сака да ангажира ново квалитетно засилување, а Нејмар делува како идеален човек кој може да го предводи тимот заедно со Роналдо.

Јунајтед на почетокот го сакаше и Винисиус Жуниор, но Реал Мадрид не сака да пушти еден од најдобрите фудбалери, па затоа „ѓаволите“ ќе се обидат да го ангажираат Нејмар.