Анде Јанков - македонски автор: Тајните на пишување добар крими роман!? ↓↓↓
Фудбалерот на Бормут, Нејтан Аке е на пат кон Манчестер, каде што следната сезона ќе го носи дресот на „граѓаните“.
Сити испрати понуда до Бормут вредна 45 милиони евра, а тоа беше прифатено од клубот кој следната сезона ќе настапува во Чемпионшип-лигата, па парите добро ќе им дојдат во борбата за враќање во Премиерлигата.
Аке има 25 години и го носи дресот на Холандија, а на 15 години се прослави кога Челси го купи од Фејеноорд.
Сепак, Челси немаше време да го чека стоперот, кој го испрати на неколку позајмици, а на крај му го продаде на Бормут во 2017 година за 22,8 милиони евра.
Три години подоцна, овој трансфер двојно му се исплатеше на Бормут, зашто ќе добијат повеќе пари од трансферот во Сити.
