Како е да се биде професионален Counter-Strike играч! ↓↓↓
Во Реал Мадрид се вклучија алармите поради честите повреди на играчи од првиот тим, поради што Флорентино Перез следното лето ќе „засука ракави“, и веќе се зборува за тоа кој претседателот на Кралевите сака да го доведе на „Сантиаго Бернабеу“.
Новата сезона не започна баш најдобро за Реал Мадрид кога е во прашање составот на играчи, бидејќи повредите веќе му предизвикаа главоболки на Карло Анчелоти, а да биде работата полоша, за играчите кои се отсутни нема достојна замена.
Давид Алаба е веќе одамна повреден и надвор од теренот, а дури се шпекулира дека Австриецот би можел да ја заврши кариерата поради тоа.
Сепак, многу поголем проблем за „Кралевите“ е повредата на Дани Карвахал, кој неодамна ги покина лигаментите на десното колено, поради што сезоната за него веројатно е завршена, а Анчелоти на позицијата десен бек нема вистинска замена.
Сите овие проблеми го натераа Перез веќе сега да размислува за следното лето и засилувањата, затоа што сака да има доволно решенија во составот на играчи и за вакви ситуации, што моментално јасно не е случај.
Прв на списокот на желби е Трент Александер-Арнолд на кого во Ливерпул му истекува договорот и „Кралевите“ силно го сакаат. Тој би можел, заедно со Карвахал, следната сезона да биде решение на десниот бек што би било навистина значајно.
Мадридскиот „АС“ наведува дека тоа не се единствените позиции што клубот сака да ги засили. Спорна е и позицијата стопер, бидејќи се очекува Алаба во секој случај да го напушти Реал во летото, а „Кралевите“ ќе се обидат да доведат некои помлади играчи.
Моментално најмногу се споменуваат Витор Реис (18) од Палмеирас и Јарек Гасировски (19), кој игра за Валенсија. Исто така, можно е Реал да се обиде да го доведе Џонатан Тах од Баер Леверкузен.
