Не се плашам од немање пари – FitKit, Coach Foods и претприемачкиот пат на Јосиф Дамјанов ↓↓↓
Чаби Алонсо неодамна дебитираше на клупата на Реал Мадрид, кој во Соединетите Американски Држави одигра нерешено против Ал-Хилал (1:1).
Реал се наоѓа на Светското клупско првенство и во првиот натпревар не успеа да оствари победа, иако имаше добра шанса за тоа, но Федерико Валверде во продолжението промаши пенал.
Во таа утакмица немаше Килијан Мбапе, кој беше погоден од вирус и заврши во болница. Не е лесно да се игра во тешки услови и на високи температури во САД, така што е тешко на основа на овие натпревари да се процени каков Реал добивме со доаѓањето на Чаби Алонсо.
Шпанскиот тренер се подготвува за својот втор натпревар на клупата на Кралевите, а дуелот со Пачука е закажан за вечерва. Двата тима се сретнаа оваа сезона, во финалето на Интерконтиненталниот куп, кога Шпанците славеа со 3:0.
На прес-конференцијата пред натпреварот, Чаби Алонсо јасно даде до знаење дека Орелјан Чуамени е првото име во тимот. Францускиот одбранбен играч за врска е многу ценет, па дури играше и во центарот на одбраната во последниот натпревар поради проблемите со кои Раул Асенсио мораше да се справи.
Фото: Grok AI
