Фудбалскиот сојуз на Нигерија го претстави новиот дрес во кој нивните репрезентативци ќе играат во иднина. Во претходните две години Нигеријците играа во познатата комбинација, која беше хит меѓу навивачите, а компанијата „Најк“ овој пат направи повторно интересен дрес.
Спонзорот направи оригинални дресови, кои се исцртани рачно и имаат симболи на нигеријски корени за семејството, а дека е одличен дресот покажува и интересот на навивачите.
„Не ми е јасно како Нигеријците секогаш ги добиваат најдобрите дресови од Најк“, напиша еден навивач на социјалните мрежи.
Странските медиуми пишуваат дека веќе биле направени повеќе од три милиони порачки на дресот, а се очекуваат уште многу купувачи.
