До кога ќе дишеме отровен воздух!? | Уште еден поткаст ↓↓↓
Карим Бензема одби да патува со остатокот од екипата на Ал-Итихад за натпреварот во првенството против Ал-Фатех. Причината е новиот договор кој му го понудија, а кој го смета за целосно непочитување.
Карим Бензема пристигна во Саудиска Арабија пред речиси три години. Французинот играше на договор од над 100 милиони евра годишно, а неговиот истекува на крајот од јуни оваа година.
Ал-Итихад сака 38-годишниот Французин да остане во клубот. Ни Бензема немаше ништо против таа идеја додека не ги слушна деталите од договорот кој му беше понуден.
Најверојатно, Саудијците од Бензема барале да игра бесплатно. Се надеваа дека ќе се согласи да нема фиксирана плата, туку да добива 100 проценти од заработката од правата на лик и дело.
Иако францускиот напаѓач и од тоа добива милионски суми, се почувствува навреден од таквата понуда на клубот. Тој го смета тоа за непочитување и одби да патува на натпреварот.
Така му даде јасно до знаење на клубот дека не сака да игра бесплатно, а за фактот дека Бензема не сакаше да игра на вчерашниот натпревар зборуваше тренерот на Ал-Итихад Серхио Консесао.
