Македонскиот капитен Горан Пандев во интервју за италијанските медиуми откри што сака да направи пред да ја заврши кариерата.
Пандев кажа дека една од неговите желби е пласман на Европското првенство (ЕП) со Македонија, како и опстанок во Серија А со екипата на Џенова.
„Играв за многу клубови во Италија, но луѓето во Џенова секогаш даваат дополнителен мотив за да ги направите среќни. Кариерата сакам да ја завршам тука, а моја желба е да играме и на ЕП со Македонија. Сепак, во моментов посветен сум на Џенова, а навивачите заслужуваат опстанок во Серија А“, порача Пандев.
