Пекол на „Олд Трафорд“: Тен Хаг се скара со Роналдо!?

Новиот тренер на Манчестер јунајтед, Ерик Тен Хаг долго време внимаваше што ќе каже за Кристијано Роналдо, кој повеќе пати кажа дека е незадоволен и сака да си замине, но очигледно Холанѓанецот ги загуби нервите.

Роналдо заигра против Рајо Валјекано (1-1), но си замина порано од мечот и не го дочека крајот, па тоа го изнервира Тен Хаг, кој го осуди неговото однесување.

„Нема оправдување за тоа. Ова е неприфатливо. Никој не смее да прави такви работи. Ние сме тим и треба да останеме до крај на мечот“, кажа Тен Хаг.

Португалскиот фудбалер сака да си замине од „Олд Трафорд“ затоа што „црвените ѓаволи“ нема да играат во Лигата на шампиони (ЛШ) идната сезона.