Игор Насковски: Како да станеш трагач на тартуфи и да заработуваш 5.700€ за 1кг! ↓↓↓
Натпреварот во Сан Себастијан донесе неочекуван пораз на Барселона од Реал Сосиедад, а секако најмногу се радуваше Реал Мадрид, кој има шанса да се врати во борбата за титулата.
Следи репрезентативна пауза и доаѓа во добар момент за Реал. На неа се оди многу пооптимистично откако Барса падна во Сан Себастијан, а на „Аноета“ особено добар беше играчот кого „кралевите“ долго го следат.
Претседателот Флорентино Перез беше воодушевен од играта на Такефуса Кубо, поранешен младинец на Реал. Кубо и претходно се споменуваше во контекст на Реал, а наводно сега првиот човек на тимот решил да им каже на соработниците како „тоа момче мора да се ангажира“.
Мора да се знае дека, како и сите млади играчи кои заминале од мадридскиот клуб, има откупна клаузула според која „кралевите“ можат да го доведат за 50 проценти помалку од пазарната вредност, така што ако сакаат да го откупат јапонскиот играч, неговата цена би била повеќе од пристапна.
