Пред дербито, падна најважниот потпис во Манчестер Сити! ↓↓↓
Ракометната федерација на Македонија (РФМ) соопшти дека на последното тестирање кое беше извршено денеска се откриени пет позитивни случаи на ковид-19, кои нема да патуваат со остатокот од репрезентацијата на Европското првенство (ЕП).
РФМ соопшти дека пет члена се заразени со вирусот, па тие за жал ќе останат во Македонија и нема да можат да им помогнат на своите колеги.
„Почитувани,
Во рамки на подготовките за претстојното ЕП 2022 (Унгарија – Словачка) македонските репрезентативци утре наутро ќе го одработат последниот тренинг пред заминување во Дебрецин.
Во текот на подготовките согласно протоколарниот режим на тестирање одреден од Европската Ракометна Федерација, беа извршени ковид ПЦР тестирања на 4ти и 7ми и 10ти јануари.
Според резултатите од денешните ПЦР тестирања направени во овластена лабораторија за сите членови на таборот на Ракометната федерација на Македонија, кај 5 (пет) претставници кои утре требаше да заминат на Европското ракометно првенство 2022, детектиран е вирусот SARS-CoV- 2 (Covid-19).
Македонската ракометна репрезентација утре во 14:10 часот попладне заминува за Дебрецин – Унгарија , а првиот меч од групната фаза нашите машки сениори ќе го одиграат на 13 јануари (четврток) во 18:00 часот против репрезентацијата на Словенија“, соопшти РФМ.
