Анде Јанков - македонски автор: Тајните на пишување добар крими роман!? ↓↓↓
Во Мадрид започна судењето на тренерот на Реал Мадрид Карло Анчелоти, кој е обвинет за даночно затајување.
Шпанското обвинителство го обвини можеби најдобриот фудбалски тренер на светот дека затајил данок во износ од повеќе од милион евра, бидејќи не ги пријавил приходите од правата за својот имиџ во периодот од 2014 до 2015 година, во неговиот прв мандат на клупата на Реал.
Обвинителите го обвинија италијанскиот тренер дека во своите даночни пријави навел само лична компензација што ја прими од Реал во текот на тие две години, иако самиот изјави дека е даночен резидент во Шпанија и дека му е домот во Мадрид.
Обвинителите во Мадрид бараат казна од четири години и девет месеци затвор за Анчелоти.
Сепак, тешко е да се очекува дека Анчелоти навистина ќе заврши зад решетки. Да се потсетиме, Кристијано Роналдо во 2018 година призна дека затаил данок во Шпанија додека играше за Реал, стануваше збор за сума од дури 18,8 милиони евра, осуден е на две години затвор, но секако дека не отслужи казна затвор бидејќи казната беше условна, бидејќи таква е праксата во шпанскиот закон за сите казни од најмногу две години.
