Почнаа преговорите: Реал Мадрид ќе заработи солидни пари од Манчестер јунајтед

Реал Мадрид преговара со Манчестер јунајтед за трансфер на дефанзивецот Рафаел Варан, кој долго време сака да си замине од шпанскиот тим.

„Ле Паризиен“ објави дека преговорите се во тек и во следните денови Французинот ќе замине на „Олд Трафорд“, каде што го чекаат нови предизвици.

Јунајтед е подготвен да плати 45 милиони евра отштета за дефанзивецот плус бонуси. Според француските медиуми, трансферот ќе биде реализиран за една недела.

Варан за Реал Мадрид игра веќе 10 сезони, а пристигна во шпанскиот тим од Ленс во 2011 година.

Тој со „кралевите“ има договор на уште една година и не се согласи да ја продолжи соработката со Реал.