Анде Јанков - македонски автор: Тајните на пишување добар крими роман!? ↓↓↓
ПСЖ ова лето остана без својата прва ѕвезда Килијан Мбапе, кој како слободен агент премина во Реал Мадрид. Неговото заминување не се почувствува толку на теренот на најдоминантниот клуб од Франција, но се одрази маркетиншки и финансиски во однос на приходите на клубот.
Така, францускиот весник „Л’Екип“ пишува дека ПСЖ изминатите месеци претрпел сериозен финансиски загуби поради заминувањето на Килијан Мбапе од клубот, кој во Франција имаше статут на суперѕвезда. Фактот дека Килијан премина во Реал значеше и крај на една ера на ПСЖ.
Да потсетиме, државниот фонд на Катар го купил Пари Сен Жермен во 2011 година со цел да направи тим полн ѕвезди, кој ќе доминира во Европа. Претседателот на ПСЖ, Насер Ал-Келафи, веднаш започнал да го реализира својот план, вложувајќи десетици милијарди евра во играчкиот состав. Во изминатите години, дресот на Светците го носеа некои од најголемите имиња во светот на фудбалот, како Лионел Меси, Нејмар, Килијан Мбапе, Златан Ибрахимовиќ…
Сепак, во претходните две сезони, катарските сопственици ја променија политиката на клубот, обидувајќи се да се фокусираат на млади и талентирани играчи, со акцент на Мбапе. Ситуацијата се комплицираше со заминувањето на напаѓачот во Реал Мадрид. Според пишувањето на весникот „Л’Екип“, клубската продавница на ПСЖ на Елисејските полиња, која до пред неколку месеци имаше дневен влез од околу 100.000 евра, сега заработува само околу 10.000 на ден.
Намалениот интерес стана евидентен и на социјалните мрежи. ПСЖ изгуби над 7.000.000 следбеници на Инстаграм. Сепак, сопствениците се уште оптимистични и очекуваат да го надминат ланскиот рекорден приход од 805.000.000 евра.
