Рајола си најде нов клиент во Јунајтед – веднаш ќе му организира „бегство“ од „Олд Трафорд“

Најпознатиот фудбалски менаџер Мино Рајола ја продолжи листата на фудбалери, чии права ги застапува, па сега ќе се грижи и за кариерата на уште еден играч на Манчестер јунајтед, а тоа е Џеси Лингард.

Овој 27-годишен фудбалер на Јунајтед не гира најдобро и реши да го промени менаџерот, кој би можел да му обезбеди трансфер на друго место.

Рајола и Лингард брзо се договориле, а неговиот нов менаџер веднаш се фатил за работа. Англиските медиуми пишуваат дека Лингард сака да го напушти „Олд Трафорд“, зашто не е задоволен со ситуацијата во клубот.

Неговиот нов менаџер тоа едвај го дочека затоа што не е во најдобри односи со управата наклубот, па затоа и бара нов тим за Лингард, кој е најблиску до трансфер во Лестер сити.