Дербија во Мадрид и Минхен: Последна шанса за Тен Хаг? ↓↓↓
Серхио Рамос влезе во последната недела од договорот со Реал Мадрид и практично е слободен во изборот на новиот клуб.
Рамос зад себе има тешка сезона која ја одбележаа многу повреди, а на пролет пропушти голем број дуели поради што нема да настапи ниту на Европското првенство.
Искусниот Шпанец веќе со години е меѓу најдобрите стопери во светот, а постојано се поврзува со заминување во Премиерлигата.
Тренерот на Манчестер сити, Пеп Гвардиола планира да го земе Рамос во неговиот тим, а „ЕСПН“ пишува дека „граѓаните“ му подготвиле двегодишен договор доколку до 30 јуни не ја продолжи соработката со Реал, иако засега не постои никаква соработка меѓу нив.
„Граѓаните“ сметаат дека дефанзивецот може да игра уште неколку сезони на врвно ниво, а дури му понудиле и трета година од договорот која би ја поминал во МЛС-лигата, односно во Њујорк сити.
