Кој е фаворит за трофејот во Првата лига!? | Overtime with TJ ↓↓↓
Бразилскиот фудбалер Рињер Џезус Карваљо (23) повеќе не е играч на Реал Мадрид. Тој ја продолжува кариерата во Атлетико Минеиро и дома во Бразил си заминува со полни џебови.
Мадридскиот Реал во 2020 година издвои 30 милиони евра за услугите на младата надеж на бразилскиот фудбалер Рињер од Фламенго.
Кралевите се надеваа дека во него можат да добијат уште една ѕвезда за прилично низок износ, но за разлика од Винисиус Жуниор и Родриго, Рињер се покажа како промашај.
Овој фудбалер не одигра ниту секунда во дресот на кралскиот клуб. Одигра на позајмици во Борусија, Жирона, Фросиноне и Гранада, за конечно ова лето да го прекине својот авантури со мадридскиот великан.
Рињер се на интересен начин збогуваше од Кралевите. Благодaрен е на шансата која не ја дочека.
“Со 18 години дојдов во Шпанија за да го исполнам детскиот сон – играње фудбал во Европа и клубот кој го овозможи тоа беше ниту повеќе, ниту помалку Реал Мадрид, најголемиот клуб на светот и клубот за кој навивав.
“Во изминатите пет години бев во Шпанија, Германија и Италија. Многу научив во клубовите кои ми помогнаа да се изградам како личност и како професионалец.
“Знам дека ништо од тоа не би било возможно без шансата која ми ја даде Реал Мадрид. Затоа, денес кога го завршувам договорот, срцето ми е исполнето благодарност и мирна совест. Фала на Реал.”
Младиот фудбалер со Атлетико потпиша договор до декември 2029 година и враќањето во Бразил за него ќе биде дефинитивно нов почеток по прилично лошото искуство во Европа.
Фото: Принтскрин
