Како е да се биде професионален Counter-Strike играч! ↓↓↓
Претседателот на македонската фудбалска федерација, Муамед Сејдини најави дека сениорската репрезентација ќе добие премија од 100.000 евра по успехот против Словенија и позитивните резултати во евроквалификациите.
Македонија со 2:1 ја доби Словенија во вчерашниот натпревар на „Тодор Проески“ арената и со тоа остана во трка за една од првите две позиции кои водат на континенталниот собир во 2020 година.
– Уживаме во прекрасни фудбалски денови и посакуваме тоа да продолжи. Македонскиот фудбал по триумфот против Словенија доби уште една причина за радост, но сакам да им порачам на фудбалерите и навивачите да останеме скромни и смирени. Убаво е да се видат полни трибини на Националната арена и нашата репрезентација на сите насловни страни, тоа ја покажува моќта на фудбалот. Како раководство на Фудбалската федерација на Македонија ветивме премија за репрезентацијата и ќе исплатиме сума од 100.000 илјади евра како награда за трудот и резултатите. Честитки и посакувам да ја продолжиме оваа убава приказна, да ја задржиме позитивната енергија и да бидеме уште подобри, изјави Муамед Сејдини, претседател на ФФМ.
