Како до бараж за Светско првенство!? ↓↓↓
Европскиот првак Реал Мадрид ова лето ги доведе во своите редови Килијан Мбапе и околу Французинот главно се врти сè, додека во негова сенка на потпис на договор пристигна и талентираниот Ендрик. За разлика од 25-годишниот Французин, 18-годишниот Бразилец многу малку игра и тешко доаѓа до вистински шанси да покаже зошто е таму каде што е.
Ендрик е млад, не може баш да се сети на магиите на Роналдо, но доволно е запознат со ликот и делото на некогашната „деветката“ на славните тимови како Барса, Реал, Интер, Милан… Роналдо живее во Шпанија и таму поседува клуб, Реал Ваљадолид, па дојде на идеја да го доведе Ендрик кај него за да напредува дополнително.
„Спакувај се, имам за тебе вистински клуб“, со насмевка му рече Роналдо на младиот Ендрик при посетата на Мадрид. Секако, тоа нема да биде така лесно изводливо, Реал нема намера да се ослободи од играчите сред сезона, особено оваа во која има многу натпревари, а секое малку некој се повредува во ростерот на Карло Анчелоти.
