Кој ќе победи во Beer Pong - Лига на Шампиони! ↓↓↓
Сер Џим Ратклиф наводно обавил разговор со Рубен Аморим за неговата работа по ужасниот старт на Манчестер Јунајтед во новата сезона.
Манчестер Јунајтед минатиот викенд во дербито загуби од Манчестер Сити со дури 3:0 и притисокот врз Аморим расте.
Овој тим се наоѓа на 14-то место на табелата во Премиерлигата и освоија само четири бода на отворањето на сезоната.
Дополнително, испаднаа од Карабао купот, а таму од нив подобар беше четвртолигашот Гримсби Таун.
Многу се зборуваше дека времето на Аморим на Олд Трафорд е одброено, а потоа Англичаните пренесоа вести дека сè уште има поддршка од челниците на клубот.
Сепак, прашање е до кога ќе трае тоа бидејќи првиот човек на клубот стана нервозен и наводно денеска обави разговори со Аморим.
Тој му даде рок на Аморим од три натпревари, а потоа ќе ја разгледа ситуацијата и ќе донесе одлука.
Ратклиф наводно денеска замина на тренинг на Манчестер Јунајтед, а сето тоа за да разговара со тренерот на овој тим.
По поразот од Манчестер Сити, Аморим повторно јасно кажа дека нема да го менува својот систем.
“Постојат многу работи за кои немате поим, а се случија во последните неколку месеци, но јас го прифаќам тоа.
Но, нема да се променам. Кога ќе сакам да ја променам својата филозофија тогаш и јас ќе се променам”, јасно изјави Аморим.
Откако го замени Ерик тен Хаг на клупата на тимот од Олд Трафорд, Аморим оствари само осум победи во 31 одигран лигашки натпревар.
