До кога ќе дишеме отровен воздух!? | Уште еден поткаст ↓↓↓
Вејн Руни откри како легендарниот Диего Марадона еднаш му подарил својата вратоврска во ресторан во Манчестер, и тоа откако Руни, тогаш бесен на тренерот Сер Алекс Фергусон, влегол во локал директно од натпреварот. Поранешната ѕвезда на Манчестер Јунајтед се присети на тој необичен средба во својот подкаст додека зборуваше за омилените стадиони.
Сето тоа се случи по првиот натпревар од осминафиналето на Лигата на шампионите 2013 година против Реал Мадрид на Сантјаго Бернабеу. “Игравме добар натпревар. Дени Велбек даде гол со глава по мојот корнер и заврши 1:1”, се присети Руни на тој ден.
И покрај добриот резултат на гостувањето и неговата улога, Фергусон одлучи да го остави на клупа на реваншот. “Ме повика и ми кажа дека ќе бидам на клупа, што ме разбесни. Играв надвор од мојата позиција, ја завршив задачата за тимот и помогнав да постигнеме добар нерешен резултат, а на крај изгубивме дома со 2:1”, се присети Руни.
Она што следеше по тој натпревар беше уште понезаборавно. Руни, лут поради поразот и неговиот статус во тимот, отиде во еден популарен кинески ресторан кој често го посетуваа фудбалери.
“Таа вечер отидов во ресторанот на клубот, а таму беше Марадона. Се фотографирав со него, се разбира. Тој беше облечен во целосно одело и вратоврска, и тогаш одеднаш ми ја даде таа вратоврска. Беше малку чудно, ја извади од вратот и ми ја предаде додека јас стоев во тренерката”, раскажа Руни.
