Спортскиот директор на Баерн, Хасан Салихамиџиќ, пред неколку дена изјави дека преговара со голема ѕвезда.
Салихамиџиќ работи напорно за да го подготви тимот за новата сезона, а веќе е јасно дека ќе има некои измени на играчкиот кадар. Јасно е дека Баерн нема да го откупи договорот на Филипе Кутињо, а на негово место најави пристигнувањето на голема ѕвезда.
Се разбира, германските медиуми веднаш почнаа да шпекулираат за кој играч станува збор, а многумина веруваат дека тоа е Пауло Дибала. Популарниот Брацо се обиде да го донесе аргентинскиот напаѓач во Баерн минатото лето, но не успеа.
Наводно, Салихамиџиќ веќе некое време е во контакт со челниците на Јувентус. Аргентинецот е голема желба на Салихамиџиќ и сигурно тоа би било огромно засилување за Баерн.
Баварците бараат играч да биде во тандем со Левандовски, а експериментот со Кутињо не успеа. Салихамиџиќ е очигледно убеден дека голема ѕвезда доаѓа во Баерн, а дали е Дибала, останува да видиме.
