Кој ќе тепа на Ел Класико!? ↓↓↓
Кон крајот на минатиот месец, Херта објави дека тие се разделуваат со пет играчи, а без сомнение најголемото име меѓу нив беше Саломон Калу.
Така, 34-годишниот офанзивен играч од Брегот на Слоновата коска доби слободни документи и тргна во потрага по нов клуб.
Херта го „отпиша“ искусниот Калу, поради неговата одлука да објави видео во живо од соблекувалната на берлинскиот тим на Фејсбук, среде пандемијата на коронавирус, што покажа дека тој и неговите соиграчи не ги следат препораките и упатствата за борба против ширењето на инфекцијата.
Калу синоќа и официјално договори нов ангажман, а наскоро ќе тргне за далечниот Бразил.
Имено, тој потпиша за Ботафого, кој веќе некое време ги „лови“ големите имиња во светскиот фудбал.
Пред Калу Ботафого успеа да ја донесе Кеисуке Хонда и двајцата сега ќе бидат во клубот од Рио д Женеиро.
Оваа година, Јаја Туре, Џон Оби Микел и поранешни играчи на Манчестер Јунајтед, браќата Фабио и Рафаел, исто така се поврзуваа со можните ангажмани во Ботафого. Сепак, договори со споменатите играчи досега не се постигнати.
Bienvenue, Kalou! Craque marfinense é o novo jogador do BOTAFOGO! #PutFire ⭐?? pic.twitter.com/xchDuigGTp
— Botafogo F.R. (de ?) (@Botafogo) July 9, 2020
Саломон Калу минатите шест години ги помина во Херта, за што има одиграно вкупно 173 натпревари, постигна 53 гола и забележа 16 асистенции.
Тој ги имаше своите најславни денови во Челси со кого ги освои Премиерлигата, Лигата на шампионите, четири трофеи во ФА Купот и трофејот во Лига купот.
Калу треба да пристигне во Бразил следната недела, кога ќе биде претставен пред навивачите.
