Сè што треба да знаете за НОВИОТ формат на Светското клупско првенство! ↓↓↓
Џенаро Гатузо наскоро ќе биде именуван за селектор на италијанската репрезентација. Досегашниот тренер на Хајдук веќе го договорил сè со италијанскиот сојуз, потврдено е од бројни извори. Остануваат уште неколку ситни детали и во наредните денови сојузот ќе објави дека Гатузо го потпишал договорот.
Ангажманот на Гатузо на чело на италијанската репрезентација го коментираше неговиот колега Маурицо Сари, италијански тренер кој неодамна го презеде Лацио. „Ми се допаѓа како тренер, но мора да го оставите Гатузо да биде Гатузо, дури и сега кога е селектор. Не смее да дозволи никакви компромиси во својата фудбалска визија“, рече Сари за Tuttomercatoweb.
На чело на италијанската репрезентација, Гатузо ќе го наследи Лучано Спалети, кому му беше врачена отказ претходно овој месец поради слабите резултати. Гатузо минатата сезона со Хајдук го освои третото место во хрватската лига.
Претходно во кариерата ги водеше Милан, Валенсија и Марсеј. Единствениот трофеј во кариерата му е купот со Наполи во 2020 година. Освен него, кандидат за преземање на Италија беше и Фабио Канаваро, досегашниот (неуспешен) тренер на Динамо.
Фотографија: Принтскрин
