До кога ќе дишеме отровен воздух!? | Уште еден поткаст ↓↓↓
Челниците на Ливерпул наводно се подготвени да влезат на пазарот за уште еден напаѓач во јануарскиот трансфер период, откако Александер Исак се повреди за време на натпреварот против Тотенхем.
Исак во победата на Ливерпул од 2:1 се здоби со скршеница на ногата, а од него оваа сезона многу се очекуваше.
Тој пристигна во Ливерпул за трансфер вреден речиси 150 милиони евра, но многу слабо ја започна својата кариера на Енфилд.
Од друга страна, Уго Екитике игра навистина одлично во својата дебитантска сезона, но Арне Слот можеби ќе мора да ја засили екипата ако сака да го обезбеди пласман меѓу првите четири екипи во Премиершипот.
Најверојатно постојат седум потенцијални напаѓачи, а за еден од нив Слот треба да тргне овој јануари.
Прв на листата е Иван Тони кој во 83 настапи во Премиершипот за Брентфорд постигна 36 гола, а потоа премина во Ал Ахли во летото 2024 година.
Иако бил поврзуван со Тотенхем, Вест Хем и Евертон, тој им рекол дека не сака да ја загуби својата неделна плата од околу 430 илјади евра неделно.
Сепак, повикот на Ливерпул во јануарскиот трансфер период е сосема сигурно нешто што не би можел да го одбие.
Тука е и Гонзало Рамос кој во Ливерпул го разгледуваат како играч кој би можел да стане нивниот нов напаѓач сега кога Исак е повреден.
Тој сезонава започнал само девет натпревари во сите натпреварувања во ПСЖ, и јасно е дека би прифатил понуда од Енфилд.
Александар Митровиќ е исто така едно од имињата, а добро ја познава лигата бидејќи играл за Фулам од каде за 52 милиони замина во Ал Хилал.
