Барса на тежок испит, дерби и во Англија! ↓↓↓
Се зголемуваат шпекулациите околу соработката помеѓу Новак Ѓоковиќ и Енди Мареј, а многумина веруваат дека нивната заедничка приказна нема да трае долго. Овие поранешни големи ривали, кои долго време беа на спротивставени страни на тениските терени, за првпат ќе настапат како тим на Австралија Опен. Интересно е што Ѓоковиќ во Бризбејн ќе биде без свој тренер, што дополнително го зголемува вниманието на ова партнерство.
Легендарниот Џон Мекинро, познат по своите директни и остри коментари, изрази надеж дека соработката, иако можеби краткотрајна, ќе биде значајна за светот на тенисот.
„Мислам дека оваа соработка ќе биде мошне краткотрајна, но истовремено и екстремно плодна. Ќе донесе нова енергија и возбуда, што е добро за тенисот. Искрено, се надевам дека Новак ќе го освои Австралија Опен, бидејќи на Енди му се потребни позитивни моменти и самодоверба“, изјави Мекинро.
