Goblin Games - Индустријата за Board Games е во огромен подем! ↓↓↓
Претседателот на Ракометната федерација на Македонија, Александар Стефанов и градоначалникот на Охрид, Кирил Пецаков ги кажаа своите очекувања од завршниот турнир кој ќе се одржи во градот.
Салата „Билјанини извори“ ќе биде домаќин на Вардар, Алкалоид, Охрид и Пелистер и публиката ќе има можност да ужива во ракометната магија.
„За нас ова е втор фајнал-фор во последните три години, а сега за разлика од претходниот тука сме и ние со претставник во ГРК Охрид. Тука сме ние како локална самоуправа да помогнеме и да укажеме шанса за повторно во иднина да бидеме домаќини. На овој турнир ќе игра најдобрата четворка во мак-ракометот. Ние како град немаме проблем, па секогаш кога РФМ ќе одлучи турнирот да се одржува тука сме подготвени. Зошто да не, отворени сме и за подлабока соработка со повеќегодишен договор за организација на Куп-завршницата“, изјави Пецаковски.
„Чест и задоволство ми е да го означиме отворањето на овој „фајнал-фор“ во Охрид. На овој турнир е собран ракометниот крем во Македонија, екипите кои наназад низ годините доминираат и најмногу вложуваат во овој спорт, за успешно да не претставуваат, но и самите себе во Европа. Би сакал да им посакам среќа на сите учесници, во еден ракометен и спортски дух и низ коректна борба да имаме убав турнир. Благодарност до домаќинот за организацијата, се надеваме на успешен завршен турнир. Ги повикувам сите Македонци да дојдат, ова е ракометен празник и викенд. Купот секогаш имал посебен натпреварувачки дух. Имаме и сме имале добра соработка со Охрид како и досега. Токму затоа се одлучивме да се организира турнирот тука. Во овој град има публика и добра ракометна култура. Се надевам направивме вистински избор за домаќинот. Сакам да најавам дека во септември сме во преговори за „Трофеј Македонија“ на кој треба да настапи женската репрезентација и неколку други учесници. Не се дефинирани учесниците и моделот, а се надевам дека со поддршка на градот и градоначалникот ќе биде значаен за нас во ракометот, но и градот Охрид“, изјави Стефанов.
Фото: Ракометна федерација на Македонија
