Ерик Тен Хаг долго време се поврзува со заминување од Манчестер јунајтед, но најверојатно нема да се случи тоа, односно клубот планира да го задржи уште една сезона, а во меѓувреме почна да работи на нови засилувања.
Тен Хаг со освојувањето на ФА-купот си ја спаси работата, а управата сака да го ангажира Лени Јоро од Лил кој привлече голем интерес од европските гиганти.
За услугите на Јоро беше заинтересиран и Реал Мадрид, но „кралевите“ не сакаат да платат повеќе од 30 милиони евра, додека гигантот од Манчестер е подготвен да потроши двојно повеќе.
Јоро минатата сезона настапи на 44 меча за францускиот прволигаш Лил, а притоа постигна и три гола.
