Трагедија: Фудбалер доби ветување за нов клуб, па брутално го убија за 1.300 евра

Ќе го решиме проблемот со отпадот ако го гледаме како ресурс, а не како ѓубре! | Уште еден поткаст ↓↓↓

Голема трагедија ја потресе Сенегал и спортската јавност во Африка – младиот фудбалски голман, 18-годишниот Шеик Туре, брутално беше убиен во Гана, откако го киднапираа криминалци кои му ветиле лажно проба во професионален клуб.

Како што потврди Министерството за афричка интеграција и надворешни работи на Сенегал, Туре беше измамен од група вооружени уценувачи, кои го намамија под изговор да оди на фудбалски пробен тренинг. Го киднапираа и бараа откуп од 1300 евра од семејството, но и покрај обидите за собирање на парите, злосторниците не го поштедија неговиот живот.

Телото на младиот човек беше најдено во Гана, а сенегалските власти, во соработка со тамошната полиција, започнаа истрага за да ги разјаснат сите околности на овој страшен случај. Туре беше дел од фудбалската академија “Есприт Фут Јеумбул”, а во тек е процесот на враќање на неговите останки во татковината.

Министерството изрази “најдлабоко сочувство до семејството” и ги повика сите млади спортисти, тренери и родители да бидат исклучително внимателни во врска со повици и понуди за проби во странство, нагласувајќи ја важноста на користење на официјални канали и проверени информации.

ПОВРЗАНИ НАПИСИПОВЕЌЕ ОД АВТОРОТ