Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст ↓↓↓
Претседателот на Соединетите Американски Држави, Доналд Трамп, ќе присуствува на финалниот натпревар на тенисерите на УС Опен во Њујорк, соопштено е од Белата куќа.
На натпреварот за трофејот ќе играат Италијанецот Јаник Синер и Шпанецот Карлос Алкараз.
Финалето на УС Опен во машка конкуренција ќе се игра во недела навечер, а Трамп ќе присуствува на гренд слем натпреварот за прв пат од 2015 година, пренесе Би-Би-Си (BBC).
Трамп до 2015 година редовно го посетуваше УС Опен, но оттогаш не беше на Флешинг Медоус откако навивачите му свиркаа неколку месеци по почетокот на неговата претседателска кампања.
Тој ќе биде првиот претседател на САД кој присуствувал на финалето на УС Опен од Бил Клинтон во 2000 година.
Фото: Принтскрин
