„Тутомеркато“: Елмас е решение за проблемите на Јунајтед!

Македонскиот репрезентативец Елиф Елмас на почетокот на сезоната добива шанса од клупата за резерви на Наполи, а италијански „Тутомеркато“ објави дека тој би можел летово да го напушти калчолигашот.

„Тутомеркато“ објави дека Манчестер јунајтед е заинтересиран за македонскиот фудбалер, а наскоро планира да испрати и понуда до Неапол, откако преговорите со Ајакс за Ентони заглавија поради висината на отштетата.

Италијанскиот медиум објави дека решение за главоболките на Ерик Тен Хаг и Манчестер јунајтед е токму Елмас, кој минатата сезона имаше добри настапи за Наполи.

Цената на Елмас во моментов изнесува 40 милиони евра, па толку и треба да платат „ѓаволите“ ако сакаат да го добијат неговиот потпис.