УЕФА ги објави највозбудливите натпревари од ЕП, Македонија во преден план!

Европската куќа на фудбалот (УЕФА) објави седум натпревари од групната фаза на Европското првенство (ЕП) за кои смета дека ќе бидат највозбудливи, а меѓу нив е и дуелот меѓу Македонија и Австрија.

Македонија на 13 јуни ќе го одигра првиот меч на ЕП во својата историја, и тоа против Австрија, а УЕФА смета дека тоа ќе биде еден од најинтересните дуели.

„Македонија беше во квалификациите заедно со Австрија пред да ги совлада Косово и Грузија во плејофот и да обезбеди прв настап на ЕП. Австрија ја победи Македонија двапати. Првата ѕвезда на Македонија е Горан Пандев, кој го даде голот за пласман на ЕП. Ќе има ли уште еден важен гол за ѕвездата?“, пишува УЕФА.