Уште една ѕвезда им се приклучи на Дурант, Ирвинг и Харден во Бруклин

Бруклин нетс доби големо засилување и тие формираа страшен тим. Почнаа со ангажирање на Кајри Ирвинг, па потоа Кевин Дурант, а неодамна им се приклучи и Џејмс Харден, по што сега стигна и ЛаМаркус Алдриџ.

Алдриџ потпиша едногодишен договор со Бруклин и со неговиот ангажман во Бруклин јасно порачаа дека сезонава ги интересира само освојување на титулата.

Нивното најново засилување во претходните шест сезони играше за Сан Антонио спарс, а претходно девет години беше член на Портланд трејл блејзерс.

Иако Алдриџ има 35 години, сепак може да биде од голема помош за екипата на Бруклин, која неодамна потпиша и со искусниот Блејк Грифин.