Немања Видиќ ги откри играчите против кои му беше најтешко да игра.
Стана легенда на Театарот на соништата, влезе во историјата на Премиер лигата и многумина веруваат дека е еден од најдобрите стопери во историјата на англискиот фудбал.
На островот често се потсетуваат на болното дерби на Немања Видиќ од сезоната 2008/09, кога експлоадираше Фернандо Торес во победата на Ливерпул од 4:1.
Видиќ тогаш направи голема грешка, се лизна, а Торес го совлада Ван Дер Сар. Сепак, Видиќ тврди дека Торес не му беше најтежок ривал.
„Луѓето често се потсетуваат од натпреварот и велат дека немав решение за Торес. Сепак, тоа е само еден издвоен случај кога во последните моменти се предосмислив и наместо да ја избијам топката, се одлучив само да ја вратам до Ван Дер Сар. Торес го пресече пасот и постигна погодок“, призна Видиќ и додаде:
„Но, многу потежок за чување беше Дидие Дрогба. Торес создаваше шанси, но Дрогба создаваше проблем во текот на сите 90 минути. Физички беше посилен од сите, но Луис Суарез и Кун Агуеро се најдобри играчи против кој сум играл“, рече Видиќ.
Интересно, Видиќ не го издвои Лионел Меси иако најдобриот фудбалер на светот во два наврати го надигра Немања и другарите во финалината на ЛШ во 2009 и 2011 година.
