Зошто проблемот со улични кучиња СÈ УШТЕ постои? | Уште еден поткаст ↓↓↓
Реал Мадрид до крајот на преодниот рок може да добие уште едно големо засилување во средниот ред. Повторно се поврзува Родри со кралскиот клуб, но конечната одлука ќе ја донесе тренерот Жозе Мурињо.
Две сезони без трофеи покренаа многу процеси во Реал од Мадрид. Флорентино Перез одлучи да реагира и да го доведе Жозе Мурињо на местото тренер, како и да донесе серија засилувања.
Така, нови членови на тимот од Бернабеу станаа Бернардо Силва, Марк Кукурела, Ибрахима Конате и Дензел Думфрис, но списокот на засилувања не е заклучен. До крајот на преодниот рок ќе има уште.
Жозе Мурињо сака уште неколку фудбалери во својот тим. Секако, постојано се зборува за Мајкл Олис, но неговиот трансфер ќе биде многу тешко да се реализира и потребна е рекордна понуда.
Сепак, Специјалниот можеби ќе добие дополнително засилување и тоа навистина спектакуларно. Повторно се зборува во Мадрид за доаѓањето на Родри.
Феноменалниот играч од средниот ред и некогашниот најдобар фудбалер во светот се поврзуваше со Кралевите години наназад. Сепак, до конкретна понуда никогаш не дојде.
