Екипата на Вулверхемптон продолжи таму каде што застана минатата сезона остварувајќи сигурна победа на гостувањето кај Шефилд Јунајтед.
Избраниците на Нуно Еспирито Санто славеа со 2:0, а головите паднаа во првите шест минути од натпреварот.
Најпрво резултатот го отвори Раул Хименез, а по само неколку минути на 2:0 зголеми Роман Саис.
На крајот тоа испадна како конечен резултат затоа што Шефилд Јунајтед немаше многу сили за да се закани кон голот на Руи Патрисио и само еднаш му ја погоди стативата во прилика која беше за издвојување од овој натпревар.
