Англиските медиуми денеска објавија сензационална вест дека ѕвездата на Реал Мадрид, Герет Бејл ќе се врати во својот поранешен клуб Тотенхем и дека тоа ќе биде трансфер-бомба на денот, но очигледно такво нешто нема да се случи.
„Скај Спортс“ ги следи сите актуелности поврзани со иднината на репрезентативецот на Велс, а по шпекулациите во останатите медиуми се огласил и тренерот на шпанскиот гигант, Зинедин Зидан, кој порачал дека таков трансфер нема да се случи денеска.
„Герет е со нас тука и јас сметам на него. Ја исклучувам целосно оваа опција“, порачал Зидан на прашањето на новинар од „Скај Спортс“.
