Еден од најдобрите голгетери од поновата генерација на Челси, Дидие Дрогба објави дека следната сезона ќе биде последна во неговата кариера.
Дрогба, кој моментално настапува за Феникс Рајзинг чиј и косопственик е, во март кога ќе започне лигата ќе наполни 40 години, а во ноември ќе ги закачи копачките на клин.
„Следната сезона ќе биде моја последна. Во еден момент мора да кажеш дека е готово и ќе го сторам тоа за да се посветам на новите проекти. Добро е да играш, но со 39 години сепак малку е тешко“- истакна Дрогба за „РМЦ Спорт“.
Робусниот напаѓач од Брегот на Слоновата коска во кариерата има настапувано во повеќе клубови, а најголем впечаток остави играјќи за Челси.
