Играчот од средниот ред на Челси, Матео Ковачиќ истакна дека се гледа себеси во тимот за подолг период.
Хрватскиот интернационалец е на едногодишна позајмица од Реал Мадрид, а во досегашниот дел од сезоната е редовен во тимот на Маурисио Сари и токму поради тоа јавноста шпекулираше дали постои можност тој перманентно да остане на „Стемфорд Бриџ“.
„Засега сум среќен овде. Градот е одличен, клубот е еден од најдобрите во светот, а моите соиграчи се одлични. Мора да го почитувам мојот претходен клуб, Реал Мадрид, но јас можам да се замислам да играм овде. Сепак, имам договор кој мора да го почитувам и тоа и ќе го сторам. Засега, мојата работа е да го давам најдоброто од себе секој ден“ –коментираше Ковачиќ.
