Легендарниот француски фудбалер Емануел Пети кажа дека Лионел Меси нема исти квалитети како Кристијано Роналдо.
Меси во првото коло на Мундијалот промаши пенал во мечот против Исланд (1-1), а потоа беше „невидлив“ во мечот против Хрватска (3-0), додека Роналдо постигна четири гола во два натпревари на Португалија.
„Меси не е предводник и не е како Роналдо. Меси е еден од најдобрите фудбалери во историјата, но потребно е да го покаже повеќе квалитетот. Мора да се разбуди. Кога работите одат добро во Барселона, тој е фантастичен играч, но видовме дека и во Лигата на шампиони може да исчезне од теренот, кога работите не одат како што треба. Меси не трча, туку оди и не се грижи каде е топката“, кажа Пети.
Во третото коло Аргентина мора да ја победи Нигерија и да се надева дека Хрватска нема да загуби од Исланд.
