Спортскиот директор на Рома, Мончи ги демантираше шпекулациите кои го поврзуваа клубот со трансфер на Марио Балотели.
Агентот на 27 годишниот фудбалер, Мино Раиола истакна дека Рома веќе го контактирала и дека е еден од посериозните тимови кои се заинтересирани за Балотели.
Сепак, тоа го демантираше Мончи, а неговиот демант го пренесе италијанскиот медиум, Кориере дело Спорт.
Балотели е слободен агент и ова лето ќе може да се пресели во некој тим без оштета.
