Иако Челси беше фаворит за потписот на Александер Головин, сепак Монако реши да им го „украде“.
Репрезентативецот на Русија беше еден од најдобрите играчи на последниот Мундијал, а сега од ЦСКА ќе замине во Монако.
Екипата од Русија се согласи да го продаде за 30 милиони евра, а Головин го очекува договор на пет години бидејќи Монако му гарантираше поголема минутажа од Маурицио Сари и Челси.
„Преговорите беа напорни, не беше лесно да реши фудбалерот каде да игра, но мило ми е што не одбра нас. Беше доволно да погледне кои од младите ѕвезди играа за Монако и направија големи трансфери, како Мбапе, Бернардо Силва, Лемар“, вели првиот човек на Монако, Вадим Василјев.
Головин во последната сезона одигра 43 натпревари, а постигна седум голови и шест асистенции.
