Реал Мадрид наводно спремил огромна понуда за фудбалерот на Ливерпул, Мохамед Салах (25). Фантастичниот Египќанец игра одлично во дресот на Ливерпул оваа сезона.
Втор стрелец е во Премиер лигата позади Хари Кејн, со 17 голови во своите настапи.
Според пишувањата на магазинот АС, Реал е сериозно заинтересиран за доведување на овој 25 годишен фубдалер, меѓутоа официјална понуда сеуште нема.
Скај Италија исто така тврди дека Кралевите имаат намера да завршат еден голем трансфер зимава и дека прва опција им е токму Салах.
Салах европската авантура ја започна во дресот на Базел, а играше уште и за Фиорентина, Челси и Рома, за на почетокот од минатото лето да потпише за Ливерпул и се покажа како одлично засилување.
Покрај Салах, Реал се поврзува и со неколку други фудбалери, а најголема желба им е напаѓачот на Тотенхем, Хари Кејн.
